დაჯგუფება „ვაგნერის“ დამფუძნებელი, ევგენი პრიგოჟინი აცხადებს, რომ ბახმუტიდან ქვედანაყოფების გაყვანა უკვე დაიწყო.
„ჩვენ გავიყვანთ ბახმუტიდან ქვედანაყოფებს პირველ ივნისამდე და ძირითადი ნაწილი უკანა ბანაკებში გადავა. პოზიციებს სამხედროებს გადავცემთ, მაგრამ თუ სამხედროებს გაუჭირდებათ, ჩვენ დავტოვებთ იმ მებრძოლებს, რომლებმაც გადამწყვეტი როლი შეასრულეს ბახმუტის აღებაში“, – აღნიშნულია პრიგოჟინის პრესსამსახურის გავრცელებულ ჩანაწერში.
პრიგოჟინმა ბახმუტის აღების შესახებ 20 მაისს განაცხადა. უკრაინის ხელისუფლება რუსეთის ძალების მიერ ქალაქ ბახმუტზე სრული კონტროლის დამყარების შესახებ ინფორმაცია არ დაუდასტურებია.
