ნატო-ს გენერალურმა მდივანმა იენს სტოლტენბერგმა განაცხადა, რომ ვიდრე სრულმასშტაბიანი ომი მიმდინარეობს, უკრაინა ვერ გახდება ალიანსის წევრი.
სტოლტენბერგმა ხაზი გაუსვა, რომ ნატო-ს ყველა წევრი ქვეყანა თანახმაა უკრაინა გახდეს ნატო-ს წევრი, როგორც ეს 2008 წლის ბუქარესტის სამიტზე ითქვა და მას შემდეგ არაერთხელ განმეორდა.
რაც შეეხება ალიანსში უკრაინის გაწევრიანებას, სტოლტენბერგმა განაცხადა, რომ „ნატო-ში ამ საკითხთან დაკავშირებით აზრთა სხვადასხვაობაა, ალიანსის გადაწყვეტილების მისაღებად კი საჭიროა კონსესუსი“.
„ამჟამად მიმდინარეობს კონსულტაციები, როგორ დაკმაყოფილდეს უკრაინის სწრაფვა ნატო-ში გასაწევრიანებლად. არავის შეუძლია იმის თქმა, საბოლოოდ როგორი გადაწყვეტილება იქნება მიღებული ვილნიუსის სამიტზე“, - თქვა სტოლტენბერგმა.
მან ამასთან, აღნიშნა, რომ ახლა ნატო კონცენტრირებულია იმაზე, რომ „უზრუნველყოს უკრაინის, როგორც სუვერენული და დამოუკიდებელი სახელმწიფოს გამარჯვება, რადგან თუ უკრაინა ვერ გაიმარჯვებს, მაშინ არაფერი იქმება განსახილველი“, - თქვა ნატო-ს გენერალურმა მდივანმა.
