უკრაინას დღეს უძლიერესი არმია ჰყავს, - ამის შესახებ დაჯგუფება „ვაგნერის“ ხელმღვანელმა ევგენი პრიგოჟინმა რუსულ მედიასთან ინტერვიუში განაცხადა.

მისი თქმით, უკრაინის არმიას ორგანიზებისა და მომზადების მაღალი უნარი აქვს. მისივე სიტყვებით, უკრაინის დაზვერვა უმაღლეს დონეზეა და  შეუძლია მართოს ნებისმიერი სამხედრო სისტემა.

„სპეცოპერაციის დასაწყისში უკრაინას თუ ჰყავდა 500 ტანკი, ახლა მათ 5 000 ჰყავთ. ომი თუ იცოდა და შეეძლო 20 000 ადამიანს, ახლა ომის წარმოება 400 000-მა ადამიანმა იცის. და ეს არის დემილიტარიზაცია? გამოდის, პირიქით, ჩვენ უკრაინის მილიტარიზაცია მოვახდინეთ. ვფიქრობ, უკრაინას დღეს უძლიერესი არმია ჰყავს. მათ ორგანიზაციის მაღალი უნარი აქვთ, მომზადების მაღალი უნარით გამოირჩევიან, დაზვერვა მაღალ დონზეა. მათ აქვთ სხვადასხვა შეიარაღება და მეტიც, ისინი წარმატებით მუშაობენ ნებისმიერ არსებულ სისტემაზე, იქნება ეს საბჭოთა თუ ნატო-ს სისტემა“, – განაცხადა პრიგოჟინმა.