თურქეთის საპრეზიდენტო არჩევნებზე მესამე ადგილზე გასულმა კანდიდატმა, სინან ოღანმა არჩევნების მეორე ტურში ოფიციალურად მხარი დაუჭირა პრეზიდენტ რეჯეფ თაიფ ერდოღანს.
ამის შესახებ მან პრესკონფერენციაზე განაცხადა.
„ვაცხადებ, რომ მეორე ტურში დავუჭერ მხარს „სახალხო ალიანსის“ კანდიდატს, ბატონ რეჯეფ თაიფ ერდოღანს“, – განაცხადა სინან ოღანმა.
სინან ოღანმა თურქეთში 14 მაისს გამართულ საპრეზიდენტო არჩევნების პირველ ტურში ამომრჩევლების ხმების 5,2% მიიღო და მესამე ადგილი დაიკავა.
საპრეზიდენტო არჩევნების მეორე ტური 28 მაისს გაიმართება. მასში მონაწილეობას მიიღებენ ქვეყნის მოქმედი პრეზიდენტი რეჯეფ თაიფ ერდოღანი და გაერთიანებული ოპოზიციის კანდიდატი ქემალ ქილიჩდაროღლუ.
