უკრაინის დაზვერვის მთავარი სამმართველოს წარმომადგენლის ანდრეი იუსოვის განცხადებით, რუსეთის ბელგოროდის ოლქის უკრაინელების დასაცავად „უსაფრთხოების ზოლი“ იქმნება.
„დიახ, დღეს „რუსულმა მოხალისეთა კორპუსმა“ და „ლეგიონმა თავისუფლება რუსეთს“, სადაც გაერთიანებულები არიან რუსეთის ფედერაციის მოქალაქეები, დაიწყეს ოპერაცია ბელგოროდის ოლქში უკრაინის მოქალაქეების დასაცავად უსაფრთხოების ზოლის შესაქმნელად“, - განაცხადა იუსოვმა.
მან ხაზგასმით აღნიშნა, რომ ოპერაციას ატარებენ უშუალოდ რუსეთის მოქალაქეები.
BBC-ის ცნობით, ლეგიონი „თავისუფლება რუსეთს“ და „რუსული მოხალისეთა კორპუსი“ წარმოადგენენ სამხედრო დანაყოფებს, რომლებიც უკრაინის მხარეს იბრძვიან.
ბელგოროდის გუბერნატორმა, ვიაჩისლავ გლადკოვმა მანამდე თქვა, რომ ბელგოროდის ოლქის ტერიტორიაზე მიმდინარეობს ბრძოლა უკრაინულ დევერსიულ-სადაზვერვო ჯგუფთან.
