მოლდოვის დედაქალაქ კიშინიოვში ევროკავშირის მხარდამჭერი მასობრივი აქცია გაიმართა. Reuters-ის ინფორმაციით, აქციაში დაახლოებით 80 000 ადამიანი მონაწილეობდა.
აციის მონაწილეებს სიტყვით მიმართა მოლდoვის პრეზიდენტმა მაია სანდუმ.
„მოლდოველები ევროპელები არიან და შვიდ წელიწადში ჩვენ უნდა გავხდეთ ევროკავშირის სრულუფლებიანი წევრები. ამ ქვეყნის ხალხმა გადავწყვიტეთ, რომ მოლდოვამ თავი ასწიოს და ამაყად წავიდეს წინ, ევროკავშირისკენ“, - განაცხადა მაია სანდუმ.
მან რუსეთი ანტისამთავრობო პროტესტისა და პროპაგანდის გაღვივებით მოლდოვის ევროინტეგრაციის საბოტაჟის მცდელობაში დაადანაშაულა.
აქციაზე იმყოფებოდა ევროპარლამენტის პრეზიდენტი რობერტა მეცოლა, რომელმაც აღნიშნა, რომ ევროპა მოლდოვას „გაშლილი ხელებითა და გულით“ მიესალმება.
მოლდოვა, რომელსაც ევროკავშირის კანდიდატის სტატუსი 2022 წლის ივნისში მიენიჭა, რუსეთის უკრაინაში სრულმასშტაბიანი შეჭრის შემდეგ მზარდ ზეწოლას განიცდის.
