აშშ-ის ხლისუფლება ყირიმს უკრაინის ტერიტორიად მიიჩნევს, ამიტომ წინააღმდეგი არ არის, კიევმა ნახევრაკუნძულის წინააღმდეგ დარტყმებისთვის ამერიკული იარაღი გამოიყენოს. ამის შესახებ აშშ-ის პრეზიდენტის მრჩეველმა უსაფრთხოების საკითხებში ჯეიკ სალივანმა CNN-ის ეთერში განაცხადა.
შეგახსნებთ, შეერთებული შტატების პრეზიდენტმა ჯო ბაიდენმა ჰიროსიმის “დიდი შვიდეულის“ სამიტის ფარგლებში, პრეს-კონფერენციაზე განაცხადა, რომ ვოლოდიმირ ზელენსკისგან მტკიცე გარანტია მიიღეს, რომ უკრაინა F-16 ტიპის გამანადგურებლებს რუსეთის ტერიტორიაზე თავდასხმისთვის არ გამოიყენებს.
„ზელენსკიმ მტკიცე დაპირება მომცა, რომ არ გამოიყენებენ მათ {F-16 ტიპის გამანადგურებლებს} რუსეთის გეოგრაფიულ ტერიტორიაზე. მაგრამ უკრაინის ფარგლებში, სადაც არ უნდა იმყოფებოდნენ რუსული ჯარები, მათ {უკრაინელებს} ამის გაკეთება {F-16-ის გამოყენება} შეუძლიათ“, - განუცხადა ბაიდენმა ჟურნალისტებს.
