საწყის ეტაპზე უკრაინამ შესაძლოა, F-16 ტიპის რამდენიმე ათეული გამანადგურებელი მიიღოს.
ამის შესახებ უკრაინის საჰაერო ძალების წარმომადგენელმა იური იგნატმა ტელემარათონის დროს განაცხადა.
„ისტორიული გადაწყვეტილება F-16-ების გადმოცემაზე ჩვენი გამარჯვების გზაზე დიდი სტიმული იქნება. ეს რაც შეიძლბა სწრაფად მოხდება.
რა თქმა უნდა, რაოდენობის მიხედვით თვითმფრინავებს ცალობით არავინ გადმოგვცემს. თვითმფრინავებს ქვედანაყოფებად მივიღებთ, საავიაციო ქვედანაყოფი - ეს სულ მცირე ესკადრილიაა. ჩვენს შემთხვევაში -ეს 12-ზე მეტი თვითმფრინავია. დასავლელი პარტნიორების ესკადრილიას მეტი - 18-მდე თვითმფრინავი ჰყავს.
ამგვარად, უკრაინას მიმდინარე ამოცანების გადასაწყვეტად შესაძლოა, რამდენიმე ათეული თვითმფრინავი გადმოეცეს“, - განაცხადა იური იგნატმა.
ამავე დროს, იგნატმა აღნიშნა, რომ ინფორმაცია ტექნიკის რაოდენობის შესახებ ფართო მასშტაბებით არ გასაჯაროვდება.
მედიის ცნობით, აშშ და მისი მოკავშირეები გეგმავენ უკრაინას F-16 ტიპის გამანადგურებლები გადასცენ, თუმცა ვადები დადგენილი არ არის. ბოლო კვირებში ჯო ბაიდენის ადინისტრაციამ ევროპელ მოკავშირეებს აცნობა, რომ აშშ ნებას დართავს უკრაინას ამერიკული F-16 ტიპის გამანადგურებლები გადასცენ.
აშშ-ს პრეზიდენტის მრჩეველმა ეროვნული უსაფრთხოების საკითხებში ჯეიკ სალივანმა დაადასტურა, რომ ვაშინგტონი შეუერთდება სხვა სახელმწიფოების ძალისხმევას უკრაინელი პილოტების სწავლებასთან დაკავშირებით და უახლოეს პერიოდში აშშ და მოკავშირეები განიხილავენ, უკრაინა როდის და რა რაოდენობით მიიღებს თანამედროვე გამანადგურებლებს.
სალივანმა განაცხადა, რომ F-16-ბი, რონლბასაც უკრაინა მოკავსირეებისგან მიიღებს გამოქყენებული არ იქენბა რუსეთის ტერიტორაიზე დარტყნებისთვის.
ასევე აშშ-ის პრეზიდენტმა ჯო ბაიდემა გაანცხადა, რომ ვოლოდმრი ზელენსკიგან მიითო მტკიცე გარანტიები, რომ უკრაინის არმია F-16-ესბ რუსეთის ტერიტორაიზეყავდასხმებისთვისარ გამოიყენებს.
