უკრაინის პრეზიდენტი ვოლოდიმირ ზელენსკი განმარტავს, რომ ამჟამინდელი მონაცემებით, ბახმუტს რუსი ოკუპანტები სრულად ვერ აკონტროლებენ.
ამის შესახებ მან ჰიროსიმაში პრეს-კონფერენციაზე განაცხადა.
„ჩვენ ვინარჩუნებთ {პოზიციებს} და ვიბრძვით ჩვენი მეომრებისა და ჩვენი გონიერების წყალობით. ჩვენ არ ვწირავთ ჩვენს ხალხს სიკვდილისთვის. ჩვენთვის ადამიანების სიცოცხლე საგანძურია, ეს არის მთავრი, რაც ჩვენ გვაქვს.
“არ არსებობს არანაირი გაუგებრობა. კარგად მესმის რაც ხდება ბახმუტში. და ჩვენ ყველას მკაფიოდ გვესმის, რისთვის კეთდება ეს ყველაფერი. მე არ შემიძლია გაგიზიაროთ ჩვენი სამხედროების ტაქტიკური შეხედულებები... მაგრამ გვესმის, რომ კიდევ ცოტაც და ჩვენ გავიმარჯვებთ. დღეს სამხედროები ასრულებენ ძალიან მნიშვნელოვან ამოცანებს, ისინი იმყოფებიან ბახმუტში. თუ რომელ წერტილებში- ამას ვერ გეტყვით, მაგრამ ეს მეტყველებს იმაზე, რომ ბახმუტი ამ დროისათვის არ არის დაპყრობილი რუსეთის ფედერაციის მიერ. ამის ორი ან სამი ინტერპრეტაცია არ არსებობს“, - განაცხადა ზელენსკიმ.
უკრაინის პრეზიდენტის აღნიშნული განმარტება მას შემდეგ გახდა საჭირო, რაც დილით, ჟურნალისტების შეკითხვაზე გაცემული პასუხი მედიამ გაიგო ისე, რომ თითქოს ზელენსკიმ განაცხადა: „ბახმუტს უკრაინის შეიარაღებული ძალები ვერ აკონტროლებს“.
