დიდი ბრიტანეთის თავდაცვის მდივანმა ბენ უოლესმა სურვილი გამოთქვა გახდეს ნატო-ს გენერალური მდივანი წლის ბოლოს იენს სტოლტენბერგის მიერ თანამდებობის დატოვების შემდეგ.
ამის შესახებ უოლესმა DPA-თან ინტერვიუში განაცხადა.
მისი თქმით, ნატო-ს გენერალური მდივნის პოსტი - ეს არის სამუშაო, რომლის მიღებასაც ისურვებდა.
„ნატოს- გენერალური მდივნის პოსტზე ყოფნა ფანტასტიკური სამუშაოა, ხოლო ნატო უაღრესად მნიშვნელოვანია ჩვენი უსაფრთხოებისათვის. მოხარული ვიქნებოდი შემეტანა წვლილი იმაში, რომ თქვენ მშვიდად დაძინების გარანტია გქონდეთ“, - განაცხადა უოლესმა.
ამასთან, უოლესმა მიანიშნა, რომ ის ასევე კმაყოფილია თავდაცვის მდივნის როლით ბრიტანეთის მთარობაში.
დანიშვნის შემთხევევაში ბენ უოლესი იქნება ბოლო ოცი წლის განმავლობაში ჩრდილოატლანტიკური ალიანსის პირველი გენერალური მდივანი დიდ ბრიტანეთში. ამასთან, აღნიშნული თანამდებობის მიღების სურვილი უკვე გამოთქვა ბრიტანეთის ყოფილმა პრემიერ-მინისტრმა ბორის ჯონსონმაც.
როგორც ცნობილია, ნატო-ს მოქმედ გენერალური მდივანს იენს სტოლტენბერგს, რომელიც ამ თანამდებობაზე 2014 წლის 1-ლი ოქტომბრიდან იმყოფება, პოსტი ჯერ კიდევ გასულ წელს უნდა დაეტოვებინა, ის ნორვეგიის ცენტრალური ბანკის ხელმძღვანელობას გეგმავდა, მაგრამ უკრაინაში რუსეთის შეჭრის შემდეგ მისი უფლებამოსილების ვადა 2023 წლის 30 სექტემბრამდე გაგრძელდა.
მედიის ცნობით, ქვეყნებს შორის სტოლტენბერგის მემკვიდრეზე კონსესუსი მიღწეული არ არის.
ნატო-ს მომავალი გენერალური მდივნის პოსტზე სავარაუდო კანდიდატებად ლიეტუვისა და ესტონეთის პრემიერები, ასევე ნიდერლანდებისა და დიდი ბრიტანეთის თავდაცვის მინისტრები, იტალიის ექს-პრემიერი, რუმინეთის პრეზიდენტი და კანადის წარმომადგენელი სახელდებიან.
