ამ დროისათვის უკრაინის არმია ბახმუტის სამხრეთ-დასავლეთ ნაწილს აკონტროლებს და ქალაქის გარეუბნის გარკვეულ მონაკვეთებში წინ მიიწევს. ამის შესახებ უკრაინის თავდაცვის მინისტრის მოადგილემ ანა მალიარმა განაცხადა.
მისი თქმით, რუსებმა ბახმუტში რეზერვების დიდი ნაწილი გადაისროლეს. მისივე თქმით, 18 მაისს, მთელი დღის განმავლობაში მტერი უკრაინელების პოზიციებს უტევდა, თუმცა უკრაინის დამცველებმა ყველა შეტევა მოიგერიეს.
რუსეთის ძალები უტევდნენ ქალაქის ჩრდილოეთ შემოგარენის მიმართულებითაც, ცალკეულ მონაკვეთებზე უკრაინულმა ქვედანაყოფებმა ნახევარი კილომეტრით წინ წაიწიეს.
მალიარის ინფორმაციით, ბახმუტის გარეუბანში სამხრეთით, მთელი დღის განმავლობაში მიმდინარეობდა სასტიკი ბრძოლები. მტერი გადადიოდა შეტევაზე და ცდილობდა დაკარგული ტერიტორიების დაბრუნებას, თუმცა დიდი დანაკარგი განიცადა და თავისი ამოცანის შესრულება ვერ შეძლო. ცალკეულ მონაკვეთებზე უკრაინის არმიამ ერთი კილომეტრით წინ წაიწია.
ამასთან, მალიარმა აღნიშნა, რომ უკრაინა დროს იგებს დაგეგმილი მოქმედებების დასაწყებად.
ასევე, მალიარმა განაცხადა, რომ ჯარების ოპერატიულ-ტაქტიკური დაჯგუფება „ხორტიცა“, რომლის პასუხისმგებლობის ზონაშია ბახმუტის მიმართულება, სიტუაციას აკონტროლებს.
