უკრაინაში ქრთამის აღებისას უზენაესი სასამართლოს თავმჯდომარე ვსევოლოდ კნიაზევი დააკავეს. ინფორმაციას უკრაინული მედია ეროვნულ ანტიკორუფციულ ბიუროსა და სპეციალიზირებულ ანტიკორუფციულ პროკურატურაზე დაყრდნობით ავრცელებს.
კნიაზევი 3 მლნ დოლარის ქრთამის აღებისას დააკავეს.
უწყების ცნობით, გამოძიება გრძელდება.
მედიის ინფორმაციით, ჩხრეკა მიმდინრეობს უკრაინის უზენაესი სასამართლოს კიდევ 18 მოსამართლესთან. კნიაზევი ქრთამს იმ პირებისგან იღებდა, რომლებიც მოქმედებდნენ ოლიგარქ კონსტანტინ ჟევაგოს ინტერესებიდან გამომდინარე.
უკრაინის ეროვნული ანტიკორუფციული ბიურო ადასტურებს, რომ გამოაშკარავებულია მასშტაბური კორუფცია უზენაეს სასამართლოში. უწყების ცნობით, დამატებითი დეტალები მოგვიანებით გასაჯაროვდება.
