უკრაინული მედიის ინფორმაციით, საფრანგეთის პრეზიდენტმა, ემანუელ მაკრონმა ხელი მოაწერა დეკლარაციას, რომლის თანახმად, მხარს უჭერს უკრაინის სვლას ნატო-ში გაწევრიანებისკენ.
საფრანგეთი აგრძელებს უკრაინის პირდაპირ მხარდაჭერაზე ფოკუსირებას.
„საფრანგეთი სრულად მხარს უჭერს უკრაინა-ნატო-ს კომისიას, როგორც პლატფორმას არსებული თანამშრომლობის კიდვ უფრო გაძლიერიბისა და გაფართოებისთვის, რათა დაეხმარონ უკრაინას ევროატლანტიკური ალიანსისკენ სვლაში ბუქარესტის დეკლარაციის შესაბამისად“, - ნათქვამია დეკლარაციში.
უკრაინის პრეზიდენტის ადმინისტრაციის უფროსის მოადგილის, იგორ ჟოვკვას თქმით, .„ერთობლივმა დეკლარაციამ შესაძლებელი გახადა უკრაინის მხარდაჭერის გაძლიერება ევროატლანტიკური მიმართულებით კიდევ ერთი ძლიერი ხმით“.
მანამდე უკრაინის პრეზიდენტი იმყოფებოდა იტალიასა და გერმანიაში, სადაც ქვეყნების ლიდერებთან ასეთივე დეკლარაციაზე მოაწერა ხელი. საფრანგეთის შემდეგ, დღეს ზელენსკი ლონდონში ჩავიდა.
