სტამბოლის მერის, ექრემ იმამოღლუს თქმით, დღეს საღამოს ქემალ ქილიჩდაროღლუ გამოცხადდება თურქეთის პრეზიდენტად.
„წინასწარი მონაცემებით, ჩვენ წინ ვართ თურქეთის ყველა რეგიონში, ჩვენი მე-13 პრეზიდენტი ქემალ ქილიჩდაროღლუა, - თქვა მან.
მისი თქმით, სააგენტო „ანადოლუს“ მიერ გამოქვეყნებული შედეგების ნდობა არ შეიძლება, რადგან მონაცემებს აკლებენ, როდესაც რეალურ შედეგებს ხედავენ.
„ჩვენ წინ ვართ თურქეთის ყველა რეგიონში, მათ შორის ანკარასა და სტამბოლში“, - ამბობს იმამოღლუ
დღეს თურქეთში საპრეზიდენტო და საპარლამენტო არჩევნები გაიმართა. ამ დროისთვის უბნის 47%-ზე მეტია დათვლილი. წინასწარი შედეგებით, არჩევნებში ქვეყნის მოქმედი პრეზიდენტი, რეჯეფ თაიფ ერდოღანი 52,19 %-ით ლიდერობს,მეორე ადგილზე გაერთიანებული ოპოზიციის კანდიდატი ქემალ ქილიჩდაროღლუა 41.93%-ით.
