დღის განმავლობაში უკრაინის თავდაცვის ძალებმა ბახმუტის ჩრდილოეთ და სამხრეთ შემოგარენში მტრის 10-ზე მეტი პოზიცია დაიკავეს და ივანოვსკის რაიონში ტყის მასივის მნიშვნელოვანი ტერიტორია გაწმინდეს. ამის შესახებ უკრაინის თავდაცვის მინისტრის მოადგილე ანა მალიარი Telegram-ზე წერს.
„ვაგრძლებთ წინსვლას ბახმუტის მიმართულებით ქალაქის შემოგარენში.
ჩვენმა ქვედანაყოფებმა დღეს დაიკავეს მტრის 10-ზე მეტი პოზიცია ბახმუტის ჩრდილო და დასავლეთ შემოგარენში და ივანოვსკის რაიონში ტყის მასივის მნიშვნელოვანი ნაწილი გაწმინდეს. ტყვედ აიყვანეს მტრის სხვადასხვა ქვედანაყოფის ჯარისკაცები,“ - იუწყება ანა მალიარი.
მალიარის თქმით, თავად ბახმუტში მძიმე ბრძოლებია. „მტერმა შეკრიბა ყველანაირი ძალები და ცდილობს წინსვლას. ანადგურებს გზაზე ყველაფერს. გრძელდება სასტიკი ბრძოლები“, - წერს ანა მალიარი.
