- მსოფლიო 13 მაისი 2023, 19:51
უკრაინელმა სამხედროებმა განადგურებული ბახმუტის ფოტოები გაავრცელეს - ქალაქის ყოველი მეტრი ცეცხლის ქვეშაა
უკრაინის შეირაღებული ძალების 24-ე ცალკეულმა მექანიზირებულმა ბრიგადამ რუსეთის მიერ განადგურებული ბახმუტის ფოტოები გამოაქვეყნა.
„ასე გამოიყურება ბახმუტი ამ წამებში. შესაძლოა მოგეჩვენოთ, რომ ეს ნისლია, მაგრამ არა, ეს კვამლია ჭურვებისგან გაჩენილი ხანძრისა, რომელსაც სასოწარკვეთილი მტერი ჩვენი დაცვის გარღვევის მცდელობისას იყენებს“, - ამბობენ სამხედროები.
ქვედანაყოფის მეთაურის თქმით, მოკლე ტაქტიკური პაუზის შემდეგ მტერმა ისევ დაიწყო ძლიერი შტურმი.
„საარტილერიო ცეცხლი, სარაკეტო და საავიაციო დარტყმები ერთი წუთითაც არ წყდება. ქალაქის ყოველი მეტრი ახლა დაბომბვის ქვეშაა“, - თქვა მეთაურმა.
