უკრაინის პრეზიდენტმა ვოლოდიმირ ზელენსკიმ, რომში, იტალიის პრემიერ ჯორჯია მელონისთან შეხვედრის შემდეგ უკრაინის ცის დასაცავად მნიშვნელოვან გადაწყვეტილებებზე ისაუბრა.
„დღეს განვიხილეთ ჩვენი თანამშრომლობა, კერძოდ, სამხედრო უსაფრთხოების საკითხი. არსებობს ძალიან მნიშვნელოვანი გადაწყვეტილებები ჩვენი ცის დაცვასთან დაკავშირებით“, - განაცხადა ზელესნკიმ.
ამასთან, ზელენსკის თქმით, შეხვედრაზე საუბარი იყო „სამშვიდობო ფორმულის“ განხორციელებაზე.
„სამწუხაროდ, რუსეთმა ჩვენს „სამშვიდობო ფორმულას“ რაკეტებითა და არტილერიით უპასუხა. მათ არ აინტერესებთ მშვიდობა“, - აღნიშნა ზელნსკიმ.
მელონიმ ზელენსკისთან შეხვედრის შემდეგ განაცხადა, რო დარწმუნებულია უკრაინის გამარჯვებაში.
ზელენსკი რომში ოფიციალური ვიზიტით დღეს ჩავიდა. ის ასევე შეხვდა პრეზიდენტ სერჯიო მატარელას, რომელმაც განაცხადა, რომ უკრაინაში რეალური მშვიდობა უნდა იყოს და არა კაპიტულანტური.
