იტალიის პრემიერ-მინისტრმა ჯორჯია მელონიმ რომში, უკრაინის პრეზიდენტთან ვოლოდიმირ ზელენსკისთან შეხვედრის შემდეგ განაცხადა, რომ რუსეთის წინააღმდეგ ომში უკრაინის გამარჯვებაში დარწმუნებულია.
„დარწმუნებული ვარ, რომ ამ ომში უკრაინა გაიმარჯვებს, რომ გახდება უფრო ძლიერი, უფრო აყვავებული. უკრაინის მომავალი - მშვიდობისა და თავისუფლების მომავალია და ეს არის ევროპის მომავალი. სხვა შესაძლო გადაწყვეტილებები ამ შემთხვევაში არ არსებობს“, - განაცხადა მელონიმ.
მანვე აღნიშნა, რომ რომი გააგრძელებს მოკავშირეებთან მუშაობას, რომ უკრაინას სამხედრო დახმარება გაუწიონ.
„მშვიდობა ვერ მიიღწევა დამარცხებით, უკრაინის {ტერიტორიების} დათმობით, ეს იქნებოდა ძალიან საშიში მსოფლიოსა და ევროპისთვის და იქნებოდა პრეცენდენტი მსოფლიოსსხვა ხალხებისთვის. მშვიდობა იქნება მხოლოდ მაშინ, როცა რუსეთი შეწყვეტს საომარ მოქმედბებს და თავდასხმებს სამოქალაქო ობიეტქებზე. ჩვენ მოვითხოვთ მოსკოვისგან შეწყვიტოს საომარი მოქმედებები და გაიყვანოს ჯარები უკრაინის ტერიტორიებიდან“, - განაცხადა მელონიმ.
ამასთან, მან განაცხადა, რომ იტალია მზად არის გაუწიოს ყველანაირი დახმარება, როდესაც კიევი საჭიროდ ჩათვლის რუსეთთნ მოლაპარაკების დაწყებას. მისივე თქმით, იტალია მხარს უჭერს პრეზიდენტ ზელინსკის 10-პუნქტიან სამშვიდობო ფორმულას.
უკრაინის პრეზიდენტი იტალიაში ოფიციალური ვიზიტით დღეს ჩავიდა. იტალიური მედიის ინფორმაციით, დღის მეორე ნახევარში ის რომის პაპს შეხვდება.
