უკრაინაში რუსეთის ნელი მოქმედება განწპირობებულია იმით, რომ ჩვენ ვაწარმოებთ სპეციალურ სამხედრო ოპერაციას და არა ომს, - ამის შესახებ რუსეთის პრეზიდენტის პრესსპიკერმა დმიტრი პესკოვმა სერბულ მედიას განუცხადა.
რა თქმა უნდა, უკრაინისა და რუსეთის სამხედრო პოტენციალის შედარება, ძალიან რთულია. თქვენ იკითხავთ, რატომ მოქმედებენ რუსები ასე ნელა? იმიტომ, რომ რუსები არ აწარმოებენ ომს“, - განაცხადა პესკოვმა.
„ჩვენ არ ვაწარმოებთ ომს. ომის წარმოება - ეს სულ სხვა საქმეა, ეს არის ინფრასტრუქტურის, ქალაქების სრული განადგურება“, - განმარტა პესკოვმა. „ჩვენ ამას არ ვაკეთებთ, ჩვენ ვცდილობთ შევინარჩუნოთ ინფრასტრუქტურა და ადამიანური სიცოცხლე“, - განაცხადა მან.
რუსული და დასავლეთის იარაღის შედარებასთან დაკავშირებული შეკითხვის პასუხად, პესკოვმა აღნიშნა, რომ დასავლეთში „არის კარგი იარაღი და არის ცუდი იარაღი, არის ის იარაღი, რომელიც შემოწმებისას უსარგებლო აღმოჩნდება ხოლმე იმ პირობებში {უკრაინაში}. მისივე შეფასებით, ასევე დასავლეთს „აქვს ძალიან ძლიერი იარაღი, არის მაღალტექნოლოგიური“. ამიტომ ეს ყველაფერი ბუნებრივია სპეციალური სამხედრო ოპერაციის დროს ვსწავლობთ“, - განაცხადა პესკოვმა.
