ბრიტანეთის დაზვერვა ვარაუდობს, რომ რუსეთს შეეძლო 9 მაისის აღლუმზე მეტი ჯავშანტექნიკის გამოყვანა, თუმცა კრემლს ქვეყნის შიგნით კრიტიკის შეეშინდა, - ამის შესახებ ნათქვამია უწყების ანგარიშში.

 „წითელ მოედანზე 2023 წლის 9 მაისის აღლუმის მონაწილეების შემადგენლობამ ხაზი გაუსვა მატერიალურ-ტექნიკურ პრობლემებს მომარაგებისა და სტრატეგიული კომუნიკაციების კუთხით, რომლებსაც სამხედროები უკრაინაში ომის დაწყებიდან 15 თვის შემდეგ აწყდებიან“, - ნათქვამია ანგარიშში.

არსებული ინფორმაციით, აღლუმში მონაწილეობა მიიღო 8 ათასზე მეტმა სამხედრომ, მაგრამ მათი უმეტესობა იყო დამხმარე, გასამხედროებული ძალები და სამხედრო სასწავლებლების კურსანტები. რეგულარული არმიიდან იყო მხოლოდ სარკინიგზო ჯარებისა და სამხედრო პოლიციის კონტინგენტი. აღლუმზე წარმოდგენილი იყო ერთადერთი ტანკი მოძველებული Т-34 სააღლუმე ნაწილიდან.

„უკრაინაში დიდი დანაკარგების მიუხედავად, რუსეთს შეეძლო მეტი ჯავშანტექნიკის გამოყვანა. ხელისუფლებამ, სავარადუოდ თავი შეიკავა, რადგან სურს თავიდან აირიდოს ქვეყნის შიგნით კრიტიკა, რომ საომარ მოქმედებებზე მეტად უპირატესობა აღლუმებს მიანიჭა“. - ნათქვამია ანგარიშში.