უკრაინაში სააგენტო France-Presse-ის ჟურნალისტი არმან სოლდინი დაიღუპა.
სააგენტოს მიერ გავრცელებული ინფორმაციით, სოლდინი სარაკეტო იერიშს ესმხვერპლა ქალაქ ჩასივ იარის შემოგარენში, რომლის სიახლოვესაც გადის ე.წ. სიცოცხლის გზა ბახმუტისკენ. ეს გზა უკრაინელი სამხედროების მიერ მომარაგებისთვის გამოიყენება და ხშირად ხვდება რუსეთის ძალების ცეცხლის ქვეშ.
ჟურნალისტი ოთხ კოლეგასთან ერთად იმყოფებოდა, რომლებიც არ დაშავებულან. დაბომბვის დროს ისინი უკრაინელ სამხედროებთან ერთად იმყოფებოდნენ.
ორგანიზაციის „რეპორტიორები საზღვრებს გარეშე“ მონაცემებით, არმან სოლდინი მე-11 ჟურნალისტია, რომელიც უკრაინაში რუსეთის სრულმასშტაბიანი შეჭრის შემდეგ დაიღუპა.
