რუსმა ოკუპანტებმა დონეცკის ოლქის ქალაქი ჩასივ იარი დაბომბეს, დაიღუპა ერთი ადამიანი. ამის შესახებ ჩასივ იარის სამხედრო ადმინისტრაციის ხელმძღვანელმა სერგეი ჩაუსმა უკრაინულ მედიას განუცხადა.
მისი თქმით, გასული კვირის განმავლობაში ქალაქიდან 20-მდე ადამიანი გავიდა, თუმცა 9 მაისს ამისი სურვილი არავის გამოუთქვას. მისივე თქმით, ქალაქში რამდენიმე ექიმი და მედდა იმყოფება. მუშაობს ერთი აფთიაქი და სამი მაღაზია.
მანამდე ჩაუსმა განაცხადა, რომ საოკუპაციო ძალებმა დაანგრიეს ხიდი, რომელიც ერთ-ერთ მიკრორაონში აკავშირებდათ, რის შედეგადაც იქით გადასვლა შეუძლებელი გახდა. მიკრორაიონში იმყოფება მოსახლეობა, რომელმაც ხიდის დანგრევამდე ევაკუაციაზე უარი თქვა.
ჩაუსის თქმით, 9 მაისს ადმინისტრაციის წარმომადგენლები დაუკავშირდნენ ადგილობრივებს ევაკუაციასთან დაკავშირებით, თუმცა ისინი ქალაქის დატოვებაზე ვერ დაითანხმეს.
