პენტაგონმა, 9 მაისს უკრაინას 1,2 მლრდ დოლარის ღირებულების სამხედრო დახმარების ახალი პაკეტის გამოყოფის შესახებ განაცხადა.
დახმარების პაკეტი მოიცავს უკრაინის საჰაერო თავდაცვის გაძლიერებას და შეიარებული ძალების საარტილერიო საბრძოლო
მასალებით უზრუნველყოფას.
აშშ-ის დახმარების პაკეტი მოიცავს:
საჰაერო თავდაცვის დამატებით სისტემებსა და საბრძოლო მასალებს;
აღჭურვილობას დასავლური გამშვები სისტემების ინტეგრაციისათვის, რაკეტებსა და რადარებს უკრაინული საჰაერო თავდაცვის სისტემებისთვის;
საბრძოლო მასალებს უპილოტო საფრენი აპარატების წინააღმდეგ საბრძოლველად;
155 მმ-იანი საარტილერიო ჭურვებს;
აღჭურვილობა კომერციული თანამგზავრული გამოსახულებისთვის;
შეიარაღების მომზადების, შეკეთებისა და ტექნიკური უზრუნველყოფის საშუალებებს.
შეგახსნებთ, 3 მაისს აშშ-მა უკრაინას 300 მლნ დოლარის ღირებულების მორიგი სამხედრო დახმარების პაკეტი გამოუყო.
