გასულ ღამეს ოდესაში რუსი ოკუპანტების თავდასხმის შედეგად უკრაინის "წითელი ჯვრის" საწყობი დაიწვა. 1 000 კვადრატული მეტრის ტერიტორიაზე ინახებოდა ჰუმანიტარული დახმარება, რომელიც სრულად განადგურებულია.
ამასთან, "წითელი ჯვრის" ინფორმაციით, ნიკოლაევის ოლქში დაზიანდა მობილური ჰოსპიტალი. სამედიცინო აღჭურვილობის და ავეჯის ნაწილი აღდგენას არ ექვემდებარება.
უკრაინის "წითელი ჯვრის" ოდესის განყოფილების ჰუმანიტარულ სფეროში მუშაობა დროებით შეჩერებულია.
7-8 მაისის ღამით რუსეთის ძალებმა ოდესაზე და მის შემოგარენზე სარაკეტო იერიში მიიტანეს.
თავდასხმები განხორციელდა კიევზეც, მტერმა უკრაინის დედაქალაქზე "შაჰედის" ტიპის ე.წ. კამიკაძე-დრონებით მიტანა იერიში. უკრაინის შეიარაღებული ძალების განცხადებით, მათ წინააღმდეგ გაშვებული 35-ვე დრონი ჩამოაგდეს.
