კონგოში წყალდიდობისა და მეწყერის შედეგად დაღუპულთა რაოდენობა 400-მდე გაიზარდა. ამის შესახებ პროვინციის გუბერნატორმა, თეო კასიმ განაცხადა.
ძლიერმა წვიმებმა სამხრეთ კივუს პროვინციაში მდინარეების ადიდება გამოიწვია, რის შედეგადაც ბუშუშუსა და ნიამუკუბის სოფლები დაიტბორა.
დიდია დაკარგულთა რაოდენობაც. მაშველები ამ დრომდე დაღუპულთა ცხედრებს ეძებენ. 8 მაისი ქვეყანაში ეროვნული გლოვის დღედ გამოცხადდა.
