სულ მცირე ხუთი ადამიანი დაშავდა გასულ ღამეს უკრიანის დედაქალაქზე დრონებით თავდასხმის შედეგად.
კიევის მერის ვიტალი კლიჩკოს ინფორმაციით, ორი დაშავებული საავადმყოფოში გადაიყვანეს.
მისივე თქმით, სვიატოშინის რაიონში დაზიანდა შვიდი ავტომობილი, ერთ-ეთი მათგანი დაიწვა. დრონის ნამსხვრევები მოხვდა საცხოვრებელი სახლის ფანჯრებსა და გარე ფასადს.
ადგილობრივი ხელისუფლების განცხადებით, დრონებით თავდასხმის დროს საჰაერო თავდაცვის სისტემამ იმუშავა.
უკრაინის შეიარაღებული ძალების ინფორმაციით, რუსეთმა კიევის წინააღმდეგ Shahed-ის ტიპის 35 დრონი გაუშვა, ყველა მათგანი უკრაინის თავდაცვამ ჩამოაგდო.
