უკრაინის თავდაცვის მინისტრის, ვოლოდიმირ გავრილოვის განცხადებით, რუსეთი პანიკაში იქნება, როდესაც უკრაინის კონტრშეტევა დაიწყება. ამის შესახებ მან ბრიტანულ გამოცემა The Independent-თან ისაუბრა.
„ჩვენ დავიწყებთ კონტრშეტევას, როდის და სად - ახლა ამას მნიშვნელობა არ აქვს. {და როდესც ეს მოხდება}, რუსეთი პანიკაში იქნება, თქვენ ნახავთ ბევრ პანიკას. მათ ამ დრომდე არ ესმით, რომ {მათი} პროპაგანდა აჩვენებს ცრუ სურათს იმისა, რაც სინამდვილეში ხდება ადგილზე. ეს ომი მოგებული იქნება ხმელეთზე, და არა ტელევზორის ეკრანებზე, არა ინტერნეტში...
მე არ გამიკვირდება, თუ ერთხელაც, შესაძლოა, ამ ან მომდევნო თვეში, ჩვენ ვნახავთ ისეთ რამეს, რაც ხელს შეუწყობს რუსეთის სტრატეგიის ან მისი არმიის, {მისი} ეკონომიკის სწრაფ კრახს“, - განაცხადა გავრილოვმა.
მისი თქმით, ბახმუტის დაცვა იყო საკვანძო მომენტი კონრეშეტევისთვის უკრაინის მომზადებაში. „ციხესიმაგრე“ ბახმუტში პლაცდარმის შეკავებით, უკრაინამ აჩვენა, რომ რუსული ომის მანქანა იმ ხარისხის აღარ არის, რომელიც ერთი წლის წინ იყო, როდესაც რუსეთმა სრულმასშტაბიანი ომი დაიწყო უკრაინაში და პირველ ეტაპზევე ტანკებით შეიჭრა.
„ბახმუტმა არა მარტო ჩვენ უკრაინაში, არამედ მტერსაც აჩვენა, რომ რუსეთს ამ ომში სამხედრო გამოსავალი არ აქვს; კიდევ უარესი, ამ ომის დასასრულს რუსეთს სამხედრო კატასტროფა ელის და ამას უახლოეს მომავალში ვიხილავთ“, - განაცხადა გავრილოვმა.
მანვე აღნიშნა, რომ მრავალთვიანი დამღლელი ომის შედეგ ვითარება ადგილზე შესაძლოა, ძალიან სწრაფად განვითარდეს.
„მე მხოლოდ იმის თქმა შემიძლია, რომ ყველაფერს ვაკეთებთ, რათა ომი რაც შეიძლება სწრაფად დასრულდეს... მე ვისურვებდი, რომ 2023 წელი გახდეს გამარჯვების წ ელი“, - განაცხადა გავრილოვმა.
