დაჯგუფება „ვაგნერის“ ხელმძღვანელი ევგენი პრიგოჟინი აცხადებს, რომ რუსეთის თავდაცვის სამინისტრო მის მებრძოლებს საბრძოლო მასალასა და შეიარაღებას დაჰპირდა.
„გვპირდებიან, რომ მივიღებთ საბრძოლო მასალასა და შეიარაღებას იმდენს, რამდენიც საჭირო იქნება შემდგომი მოქმედებების გასაგრძელებლად.
გვეუბნებიან, რომ ბახმუტში შეგვიძლია ვიმოქმედოთ ისე, როგორც საჭიროდ მიგვაჩნია“, - განაცხადა პრიგოჟინმა.
მანამდე პრიგოჟინმა განაცხადა, რომ მისი მებძროლები საბრძოლო მასალის ნაკლებობის გამო ბახმუტს 10 მაისს დატოვებდნენ.
მოგვიანებით, პრიგოჟინმა განაცხადა, რომ მზად არის ბახმუტში პოზიციები ჩეჩნეთის ლიდერ, რამზან კადიროვის მებრძოლებს გადასცეს.
