სუდანში თურქეთის ელჩის ავტომობილს ცეცხლი გაუხსნეს. როგორც თურქული მედია დიპლომატიურ წყაროზე დაყრდნობით იუწყება, მსხვერპლი არ არის.
„დიპლომატიური წყაროების ცნობით, სუდანში თურქეთის ელჩის ისმაილ ჩობანოღლუს ავტომობილს ცეცხლი გაუხსნეს. წინასწარი მონაცემებით, დაღუპულები და დაშავებულები არ არიან“, - იტყობინება სახელმწიფო არხი Trt Haber.
სუდანში 15 აპრილიდან გასამხედროებულ დაჯგუფება „სწრაფი მხარდაჭერის ძალებსა“ და სუდანის რეგულარულ არმიას შორის შეიარაღებული დაპირისპირება მიმდინარეობს.
მოწინააღმდეგე მხარეები ავრცელებენ ურთიერთსაწინააღმდეგო ინფორმაციებს საბრძოლო მოქმედბებისა და ობიექტებზე კონტროლის დამყარების შესახებ. სუდანის ჯანდაცვის სამინისტროს ინფორმაციით, საბრძოლო მოქმედებებს ქვეყანაში უკვე 550 ადამიანი ემსხევრპლა, დაშავდა 4 900.
