უკრაინის პრეზიდენტის ოფისის ხელმძღვანელის, ანდრეი ერმაკის ინფორმაციით, რუსეთის ტყვეობიდან „აზოვის“ 45 მებრძოლი გათავისუფლდა.
„ყველა მათგანი ეროვნული გვარდიის იმ ქვედანაყოფიდან არის, რომელიც 9 წლის წინ აზოვის სანაპიროზე შეიქმნა. 35 რიგითი და სერჟანტი, 10 ოფიცერი.
მათ შორის არიან მეომრები, რომლებიც დაქორწინდნენ მარიუპოლის დაცვის დროს „აზოვსტალში“.
ასევე არის ჩვენი სამხედრო, რომელიც ფართომასშტაბიანი შეჭრამდე 2 წლითა და 5 თვით რუსების ტყვეობაში იმყოფებოდა“, - წერს ერმაკი.
გათავისუფლებული „აზოველებიდან“ სამი ქალია.
რუსული მხარის განცხადებით, რთული მოლაპარაკებების შედეგად სამი რუსი მფრინავი დაიბრუნა.
