რუსეთის მთელ ტერიტორიაზე 9 მაისისთვის დაგეგმილი ყველა დღესასწაული და აღლუმი გაუქმდა. ამის შესახებ ბრიტანეთის დაზვერვა ყოველდღიურ ანგარიშში წერს.
რუსეთის ექვს რეგიონში და ანექსირებულ ყირიმში ღონისძიებები სრულად გაუქმდა. კიდევ 21 ქალაქში და ქვეყნის სხვა რეგიონებში არ გაიმართება აღლუმები.
მოსკოვში აღლუმი, სავარაუდოდ, ჩატარდება, თუმცა მცირე მასშტაბებით. ასევე გაუქმებულია მიღება კრემლში, სადაც რუსეთის პრეზიდენტი ტრადიციულად საპატიო სტუმრებს და ომის ვეტერანებს მასპინძლობს. ბოლოს ასეთი მიღება პანდემიამდე 2019 წელს გაიმართა.
არ გაიმართება, არც „უკვდავი პოლკის“ მარში მოსკოვსა და რუსეთის სხვა ქალაქებში.
ბრიტანეთის დაზვერვაში ამბობენ, რომ კრმელზე თავდასხმამ 9 მაისამდე რამდენიმე დღით ადრე, აჩვენა თუ რამდენად დაუცველია რუსეთი და რამდენად გაუმძაფრა შიში რუსეთის ხელისუფლებას მათი უსაფრთხოების გამო მასობრივი ღონისძიებების დროს.
