უნგრეთის საგარეო საქმეთა მინისტრი პიტერ სიიარტო ამერიკის ელჩს დევიდ პრესმანს „ომის პროპაგანდაში“ ადანაშაულებს.
აშშ-ის ელჩმა უნგრეთში ინტერვიუ მისცა სააგენტო AFP-ს, რომელშიც გააკრიტიკა ბუდაპეშტის დუმილი უკრაინაში ომის გამომწვევ მიზეზებზე.
„უნგრეთში, სამწუხაროდ, ურჩევნიათ ილაპარაკონ ყალბ კულტურულ ოზე, როდესაც მათ მეზობლად ომი მიმდინარეობს, სადაც ათასობით ადამიანი ვლადიმირ პუტინის აგრესიულ ომს ეწირება. საქმე მემარცხენეობაში არ არის, საქმე რუსეთშია“, - განაცხადა ამერიკელმა დიპლომატმა.
პრესმანმა ასევე გააკრიკტიკა უნგრეთის საგარეო საქმეთა მინისტრი, რომელიც 2022 წლის თებერვლის შემდეგ მოსკოვში ვიზიტით ხუთჯერ იმყოფებოდა და ის კერმლის დეზინფორმაციის გავრცელბაში დაადანაშაულა.
ამის პასუხად სიიარტომ განაცხადა, რომ ამერიკის ელჩი „ომის პროპაგანდით არის დაკავებული“, მაშინ როცა უნგრეთს „სურს არა ომი, არამედ მშვიდობა“.
„ჩევნ გვესმის, რომ ამერიკელები ცდილობენ გვიბიძგონ ომის პროპაგანდისკენ, გვესმის, რომ ისინი ცდილობენ გვიბიძგონ ომის ბანაკისკენ, მაგრამ ჩვენ ვეკუთვნით მშიდობის ბანაკს“, - თქვა უნგრეთის საგარეო საქმეთა მინისტრმა.
