ბელგიის პოლიციამ ტერორისტული თავდასხმის მომზადების ბრალდებით შვიდი ადამიანი დააკავა.
ბელგიის პროკურატურის ინფორმაციით, დაკავებულები თავდასხმის რამდენიმე ვერსიას განიხლავდნენ, მათი ერთ-ერთი სავარაუდო სამიზნე ნატო-ს შენობა იყო, თუმცა პროკურატურის აზრით, კონკრეტული სამიზნეები არ ჰქონდათ.
„საუბარი იყო ნატო-ს შენობაზე, მაგრამ ამ დროისთვის ეს გეგმები არ არის კონკრეტული“, – განაცხადა პროკურორმა.
მათივე ინფორმაციით, ყველა ბრალდებული ჩეჩნური წარმოშობისაა. სამი მათგანი ბელგიის მოქალაქეა. სამივე „ისლამური სახელმწიფოს“ აქტიური მხარდამჭერი იყო.
ბრალდებულები მას შემდეგ დააკავეს, რაც ტერორიზმთან დაკავშირებული გამოძიების ფარგლებში პოლიციამ დასავლეთ ფლანდრიასა და გენტში რეიდი ჩაატარა.
დაკავებულებს სასამართლომ, შესაძლოა, მკვლელობის მცდელობის, ტერორისტული ჯგუფის საქმიანობაში მონაწილეობისა და ტერორისტული თავდასხმის მომზადებისთვის წაუყენოს ბრალი.
