3 მაისს, რუსეთის ძალების მიერ ხერსონის დაბომბვას 21 ადამიანი ემსხვერპლა, დაშავდა 48, მათ შორის 2 ბავშვი. ამის შესახებ უკრაინის პრეზიდენტი ვოლოდიმირ ზელენსკი Facebook-ზე წერს.
„მსოფლიომ ეს უნდა ნახოს და იცოდეს.
სარკინიგზო სადგური და გადასასვლელი, სახლი, ტექნიკის მაღაზია, სასურსათო სუპერმარკეტი, ავტოგასამართი სადგური - იცით რა აერთიანებს ამ ადგილებს? სისხლიანი კვალი, რომელსაც ტოვებს რუსეთი თავისი ჭურვებით, კლავს მშვიდობიან ადამიანებს ხერსონში და ხერსონის ოლქში.
ამჟამინდელი მონაცემებით, - 21 დაღუპული! 48 დაჭრილი! ყველა სამოქალაქო პირია! ერთ არასრულ დღეში! ერთ ოლქში! ჩემი თანაგრძნობა დაღუპულების ოჯახებსა და ახლობლებს.
ჩვენ არასდროს ვაპატიებთ დამნაშავეებს. დავამარცხებთ ბოროტ სახელმწიფოს და ვაიძულებთ ყველა დამნაშავეს პასუხი აგოს!“ - წერს ზელენსკი.
