რუსეთს სხვა გზა არ აქვს, გარდა უკრაინის პრეზიდენტის ლიკვიდაციისა, – ამის შესახებ რუსეთის უშიშროების საბჭოს თავჯდომარის მოადგილე დმიტრი მედვედევი „ტელეგრამ არხზე“ წერს.
„დღევანდელი ტერაქტის შემდეგ, რუსეთს სხვა გზა არ აქვს, გარდა უკრაინის პრეზიდენტის ლიკვიდაციისა. ის უპირობო კაპიტულაციაზე ხელმოწერისთვისაც კი არ არის საჭირო. როგორც ცნობილია, ამ აქტისთვის ჰიტლერსაც არ მოუწერია ხელი. შემცვლელი ყოველთვის მოიძებნება“, – წერს მედვედევი.
კრემლში აცხადებენ, რომ პრეზიდენტის რეზიდენციაზე თავდასხმას ტერორისტულ აქტად და პრეზიდენტის სიცოცხლის მოსპობის მცდელობად მიიჩნევენ. მათივე განცხადებით, საპასუხო ზომებს მიიღებენ.
