ჩვენ არ ვესხმით თავს პუტინს ან მოსკოვს, ჩვენ ჩვენს ტერიტორიაზე ვიბრძვით, – ამის შესახებ განაცხადა უკრაინის პრეზიდენტმა ვოლოდიმირ ზელენსკიმ ჰელსინკიში ჩრდილოეთ ევროპის ქვეყნების ლიდერებთან ერთობლივ ბრიფინგზე რუსეთის პრეზიდენტის ადმინისტრაციის განცხადებასთან დაკავშირებით, რომ უკრაინამ კრემლზე დრონებით თავდასხმა სცადა.
„ჩვენ არ ვესხმით თავს არც პუტინს, არც მოსკოვს, ჩვენ ჩვენს ტერიტორიაზე ვიბრძვით, ვიცავთ ჩვენს სოფლებსა და ქალაქებს. ჩვენ იარაღი ამისთვისაც არ გვყოფნის, ამიტომ ჩვენ არ დავსხმივართ თავს პუტინს, ჩვენ მას ტრიბუნალს დავუტოვებთ“, – განაცხადა ზელენსკიმ.
რუსეთის პრეზიდენტის ადმინისტრაციაში განაცხადეს, რომ კიევმა ღამით უპილოტო საფრენი აპარატებით კრემლზე დარტყმის განხორციელება სცადა.
