უკრაინა არ ფლობს ინფორმაციას კრემლზე ღამის თავდასხმების შესახებ, ყველა არსებულ საშუალებასა და ძალას უკრაინა საკუთარი ტერიტორიების გათავისუფლებისკენ მიმართავს და არა – სხვის ტერიტორიებზე თავდასხმისკენ, - ამის შესახებ განაცხადა უკრაინის პრეზიდენტის სპიკერმა სერგეი ნიკიფოროვმა რუსეთის პრეზიდენტის ადმინისტრაციის განცხადებასთან დაკავშირებით, რომ უკრაინამ ღამით კრემლზე დრონებით თავდასხმა სცადა.
„ჩვენ არ გვაქვს ინფორმაციას კრემლზე ე.წ. ღამის თავდასხმების შესახებ, თუმცა, როგორც არაერთხელ განაცხადა პრეზიდენტმა ზელენსკიმ, ყველა არსებულ ძალასა და საშუალებას უკრაინა მიმართავს საკუთარი ტერიტორიების გათავისუფლებისკენ და არა – სხვისაზე თავდასხმისკენ. ცალკე გაკვირვებას იწვევს ტერორისტი-სახელმწიფოს ფორმულირებები. ტერაქტი – ეს არის დნიპროში ან უმანში სახლის დანგრეული სადარბაზოები და მრავალი სხვა ტრაგედია. ხოლო ის, რაც მოხდა მოსკოვში, არის აშკარად 9 მაისის წინ სიტუაციის გამწვავება, მოსალოდნელი ხერხი ჩვენი მოწინააღმდეგებისგან“, – განუცხადა ნიკიფოროვმა „უკრაინსკა პრავდას“.
რუსეთის პრეზიდენტის ადმინისტრაციაში განაცხადეს, რომ კიევმა ღამით უპილოტო საფრენი აპარატებით კრემლზე დარტყმის განხორციელება სცადა.
