სერბეთის პრეზიდენტი ალექსანდრ ვუჩიჩი და ნაწილობრივ აღიარებული კოსოვოს რესპუბლიკის პრემიერ-მინისტრი ალბინ კურტი ბრიუსელში ერთმანეთს შეხვდნენ, რათა გააგრძელონ მოლაპარაკებები ევროკავშირის მიერ მხარდაჭერილი გეგმის შესახებ ურთიერთობის ნორმალიზებასთან დაკავშირებით. იუწყება სააგენტო AP
მოსალოდნელია, რომ შეხვედრის მიმდინარეობისას მიღებულ იქნება დეკლარაცია 1 600-ზე მეტი პირის შესახებ, რომლებიც ამ დრომდე ოფიციალურად დაკარგულებად არიან მიჩნეული 1998-99 წლების ომის შემდეგ. კოსოვო სერბეთს მათი ადგილსამყოფელის დამალვაში ადანაშაულებს.
შეხვედრაზე ასევე განხილული იქნება დადგენილების პირველი პროექტი კოსოვოში მუნიციპალიტეტების შექმნის შესახებ, სადაც უმრავლესობას სერბები წარმოადგენენ.
ბელგრადში აცხადებენ, რომ მოლაპარაკებებში პროგრესი ვერ მიიღწევა, თუ აღნიშნული საკითხი არ გადაიჭრება.
სერბეთისა და კოსვოს ლიდერების ბოლო შეხვედრა თებერვალში გაიამრთა. მაშინ ვუჩიჩი და კურტი შეთანხმდნენ ევროკავშირის გეგმის გაგრძელებაზე მრავალთვიანი პოლიტიკური კრიზისის შესაწყევტად.
