ბულგარეთში გენერალური პროკურორის, ივან გეშევის მკვლელობა სცადეს. ინფორმაციას ბულგარული მედია ავრცელებს.
მედიის ცნობით, სოფელ კოვაჩევოს მახლობლად მიმავალ გზაზე ივან გეშევის კორტეჟს ასაფეთქებელი მოწყობილობა უცნობმა პირებმა დაუდეს. ბომბი ავტოკოლონის წინ აფეთქდა, თუმცა შედეგად არავინ დაშავებულა.
აღნიშნულ ფაქტზე შინაგან საქმეთა სამინისტრომ გამოძიება დაიწყო.
ოფიციალური პირები ჯერჯერობით მკვლელობის მცდელობის მოტივებზე არ საუბრობენ.
