თურქეთის თავდაცვის სამინისტროს განცხადებით, თურქულ სამხედრო-სატრანსპორტო თვითმფრინავს, რომელსაც სუდანიდან თურქი მოქალაქეების ევაკუაცია უნდა მოეხდინა, ცეცხლი გაუხსნეს.
სუდანის არმიამ თურქული თვითმფრინავისთვის ცეცხლის გახსნაში სამხედრო დაჯგუფება „სწრაფი მხარდაჭერის ძალები“ დაადანაშაულა. მათივე თქმით, ცეცხლის გახსნის შედეგად თვითმფრინავის საწვავის სისტემა დაზიანდა, დაშავდა ერთი ადამიანი.
თურქული თვითმფრინავი დედაქალაქ ხართუმის ჩრდილოეთით მდებარე აეროპორტში დაეშვა.
სუდანში ქვეყნის არმიასა და სამხედრო დაჯგუფება „სწრაფი მხარდაჭერის ძალებს“ შორის დაპირისპირება 15 აპრილდან მიმდინარეობს. აშშ-მა და ევროპის ქვეყნებმა თავიანთი მოქალაქეების ევაკუაცია დაიწყეს.
სუდანში იმყოფებოდნენსაქართველოს33 მოქალაქეც, რომელთა ევაკუაციის პროცესი უკვე დასრულებულია.
