რუსეთი ქვეყნიდან 10 ნორვეგიელ დიპლომატს აძევებს. ნორვეგიის ელჩი რობერტ კვილე რუსეთის საგარეო უწყებაში დაიბარეს და საელჩოს 10 თანამშრომლის გაძევების შესახებ აცნობეს.
რუსეთის საგარეო საქმეთა სამინისტრომ ნორვეგიელი დიპლომატების გაძევებას საპასუხო ზომები უწოდა. ორი კვირის წინ ნორვეგიამ 15 რუსი დიპლომატი გააძევა.
„ნორვეგიის ელჩს ასევე ეცნობა, რომ ოსლოს არამეგობრულ ქმედებებს სხვა ზომებიც მოჰყვება“, - ნათქვამია რუსეთის საგარეო საქმეთა სამინისტროს განცხადებაში.
ამასთან, ხუთი რუსი დიპლომატი გააძევა შვედეთმა ჩრდილოეთის ზღვაში შესაძლო დივერსიების გამოძიების ფონზე.
