ამერიკის სახელმწიფო მდივნის, ანტონი ბლინკენის განცხადებით, სუდანის შეიარაღებული ძალები და გასამხედროებული „სწრაფი მხარდაჭერის ძალები“, სულ მცირე, 72 საათით ცეცხლის შეწყვეტაზე შეთანხმდნენ. ინფორმაციას აშშ-ის სახელმწიფო დეპარტამენტი ავრცელებს.
როგორც ენტონი ბლინკენის განცხადებაშია აღნიშნული, ბოლო ორი დღის განმავლობაში ინტენსიური მოლაპარაკებების შედეგად მხარეები ცეცხლის შეწყვეტაზე შეთანხმდნენ. სახელმწიფო დეპარტამენტის ცნობით, ცეცხლის შეწყვეტის რეჟიმის სამშაბათიდან შედის ძალაში.
აშშ მოუწოდებს სუდანის არმიას და „სწრაფი მხარდაჭერის ძალებს“, დაუყოვნებლივ და სრულად დაიცვან ცეცხლის შეწყვეტის რეჟიმი.
ამასთან, "სწრაფი მხარდაჭერის ძალების" განაცხადებით, დათანხმდა ზავს, რათაგაიხსნას ჰუმანიტარული დერეფნები და ხელი შეუწყოს მოქალაქეების გადაადგილებას.
სუდანის არმიასა და „სწრაფი მხარდაჭერის ძალებს“ შორის სამხედრო დაპირისპირება 15 აპრილს დაიწყო. ბოლო მონაცემებით, საბრძოლო მოქმედებებს, სულ მცირე, 427 ადამიანი ემსხვერპლა.
