რუსული დაჯგფება „ვაგნერი“, რომელიც უკრაინის წინააღმდეგ ომში მონაწილეობს, 2023 წლის დასაწყისში უშედეგოდ ცდილობდა ჩინეთისგან იარაღის მიღებას.
ამის შესახებ Financial Times-ი პენტაგონის საიდუმლო დოკუმენტებზე დაყრდნობით წერს.
„თუმცა იანვარში ჩინეთს ‘“ვაგნერისთვის“ არანაირი იარაღი გაუგზავნია და არც კონტაქტი ჰქონია {„ვაგნერთან“} იარაღის მიწოდებასთან დაკავშირებით“, - ნათქვამია დოკუმენტში.
როგორც გამოცემა წერს, „ვაგნერელების“ მიმართვა ჩინეთისადმი, ადასტურებს, რომ ისინი ნაწილობრივ მაინც დარწმუნებულები იყვნენ პეკინის მხრიდან რუსეთისთვის იარაღის მიწოდებასთან დაკავშირებით.
პენტაგონის საიდუმლო მასალებში ასევე ნახსენებია „ვაგნერის“ მიერ იარაღის მიღების წარმატებული მცდელობა მოსკოვის სხვა მოკავშირეებისგან - ბელარუსისგან და სირიისგან.
ერთ-ერთი დოკუმენტის თანახმად, იანვრის დასაწყისში ბელარუსმა“ვაგნერელებს“ დაპირებული შეიარაღების 50 პროცენტი უკვე მიაწოდა და კიდევ 300 ათასი ჭურვის გადაცემას დაპირდა ყუმბრამტყორცნებისთვის. ასევე „ვაგნერელებმა“ სირიაში შეიძინეს ექვსი ყუმბარმტყორცნი და 180 ყუმბარა დაუდგენელ დროში.
