Politico-ს ინფორმაციით, ევროკომისია რუსეთის წინააღმდეგ სანქციების მე-11 პაკეტზე მუშაობს.
გამოცემის ცნობით, ევროკომისია უახლოეს დღეებში წარუდგენს ევროკავშირის წევრი ქვეყნების ელჩებს რუსეთის წინააღმდეგ სანქციების მე-11 პაკეტის დეტალებს.
თავის მხრივ ელჩები წარადგნენ იმ წითელ ხაზებს, რომლებიც მათი ქვეყნების მთავრობებს აქვთ.
მედიის ცნობით, გერმანიამ უკვე მოითხოვა სანქციების ახალ პაკეტში რუსეთის ბირთვული ენერგეტიკის შეტანაც. გავრცელებული ინფორმაციით, ამის წინააღმდეგ გამოდის უნგრეთი.
