უკრაინის ეროვნული უსაფრთხოების საბჭოს მდივანი ოლექსეი დანილოვი დარწმუნებულია, რომ დროებით ოკუპირებულ ტერიტორიებზე - ხერსონსა და ლუჰანსკში იმყოფებოდა არა ვლადიმირ პუტინი, არამედ მისი ერთ-ერთი ორეული.
„ჯერ ერთი, იქ პუტინი არ ყოფილა. ეს ცნობილი ამბავია. იმისთვის, რომ ნამდვილ პუტინს შეხვდეთ, სულ მცირე 10-14 დღე კარანტინში უნდა გაატაროთ. იქ პუტინი არ ყოფილა. იყო ჩვეულებრივი ორეული, რომელიც მას არა ერთი ჰყავს - ესეც ცნობილი ამბავია“, - განაცხადა დანილოვმა.
მისი თქმით, პუტინი შეშინებული კაცია და ის, რომ მას აღნიშნულ ტერიტორიებზე ჩასვლა შეეძლო - უბრალოდ წარმოუდგენელია. დანილვმა გაიხსენა, თუ როგორ სხედან მაგიდასთან, რუსეთის პრეზიდენტისგან შორ მანძილზე მისი სტუმრები. პუტინის სადმე გამგზავრება კი მთელი პროცედურაა, რა დროსაც მოსამზადებლი პროცესი 2-3 კვირით ადრე იწყება.
„ის საპირისპიროა ჩვენი პრეზიდენტის, რომელსაც შეუძლია ნებისმიერ დროს ჩავიდეს ფრონტის ხაზზე, უშაულოდ იყოს ჩვენი სამხედროების გვერდით. ეს არის ჩვენს შორის განსხვავება. განსხვავება ბუნკერის პაპა პუტინისგან, რომელსაც მალე თავისი თავის შეეშინდება“, - განაცხადა დანილოვმა.
