დღეს, 16:00 საათზე, საქართველოს პარლამენტის ჯანდაცვისა და სოციალურ საკითხთა კომიტეტი სამედიცინო სექტორში ინტერესთა შეუთავსებლობის შესახებ ახალ საკანონმდებლო რეგულაციებს არასამთავრობო ორგანიზაციებს გააცნობენ.
შეხვედრას, რომელიც აშშ-ის ეროვნულ-დემოკრატიული ინსტიტუტის ორგანიზებით ეწყობა შრომის, ჯანმრთელობისა და სოციალური დაცვის სამინისტროს წარმომადგენლებიც დაესწრებიან.
ჯანდაცვისა და სოციალურ საკითხთა კომიტეტის თავმჯდომარის ოთარ თოიძის განცხადებით, შეხვედრაზე მსჯელობა გაიმართება შრომის, ჯანმრთელობისა და სოციალური დაცვის სამინისტროს ინიციატივის შესახებ, რომელიც ექიმებს ფარმაცევტულ კომპანიებთან გარიგებას უკრძალავს.
კანონპროექტით, ექიმებს ფარმაცევტულ კომპანიებთან კომერციული დაინტერესების მიზნით გარიგებაში შესვლა ეკრძალებათ. ასევე აიკრძალება ექიმებს მიერ რომელიმე ფარმაცევტული კომპანიის ბლანკის ან სხვა ელემენტის გამოყენება.
კანონპროექტი ავალდებულებს ექიმებს პაციენტს შესთავაზონ არა კონკრეტული ერთი კომპანიის მედიკამენტი არამედ მისი ფართო არჩევანი.
შესაბამისი ნომრების დარღვევისთვის ექიმი ან სამედიცინო დაწესებულებაი 1000 ლარით დააჯარიმება, ქმედების განმეორებითი ქმედებისას კი - 2000 ლარით.
შეხვედრა, პარლამენტში ილია ჭავჭავაძის სახელობის დარბაზში გაიმართება.
