კანადის პრემიერ-მინისტრი ჯასტინ ტრუდო დარწმუნებულია, რომ რუსეთის წინააღმდეგ ომში უკრაინა გაიმარჯვებს. მისი თქმით, კანადა მომავლშიც გააგრძელებს კიევის დახმარებას.
„ეჭვი არ მეპარება და სრულიად დარწმუნებული ვარ, რომ უკრაინა გაიმარჯვებს“, - განაცხადა მან.
ტრუდომ აღნიშნა, რომ კანადა არასდროს გადგება განზე და გააგრძელებს უკრაინის მხარდაჭერას რუსული აგრესიის წინააღმდეგ ბრძოლაში.
„ჩვენ მომავალშიც გავუწევთ სამხედრო, ეკონომიკურ, ჰუმანიტარულ, სავაჭრო და კომერციულ დახმარებას, ვიმუშავებთ მეგობრებთან ერთად შევქმნათ წარმატებული მომავალი ჩვენთვის და ყველასთვის, ვინც იზიარებს ჩვენს ფასეულობებს“, - განაცხადა კანადის პრემიერმა.
