პენტაგონის საიდუმლო დოკუმენტების თანახმად, რუსეთის უსაფრთხოების სამსახურს და თავდაცვის სამინისტროს ომის მსხვერპლის მონაცემებთან დაკავშირებით დაპირისპირება აქვთ.
დოკუმენტების მიხედვით, რუსეთის უსაფრთხოების სამსახური ამტკიცებს, რომ ქვეყნის ოფიციალური პირები არ ითვლიან რუსეთის ეროვნული გვარდიის, „ვაგნერის“ დაქირავებულთა და სხვათა მსხვერპლის რაოდენობას.
რუსეთის ფედერაციის უსაფრთხოების სამსახური სამხედროებს რუსეთის მიერ განცდილი დანაკარგების მასშტაბის დამალვაში ადანაშაულებს.
დოკუმენტების თანახმად, რუსეთის უსაფრთხოების სამსახურმა გამოითვალა, რომ საბრძოლო მოქმედებების დროს დაჭრილთა და დაღუპულთა რეალური რაოდენობა 110 000-ს უახლოვდება.
უკრაინის გენშტაბის ბოლო ინფორმაციის მიხედვით კი რუსეთმა დაახლოებით 180 590 ჯარისკაცი დაკარგა.
