რუსეთის ძალებმა ხერსონის ოლქი დაბომბა. დაიღუპა ორი და დაიჭრა კიდევ ორი ადამიანი. ამის გარდა ოკუპანტებმა ავიაბომბი ჩამოაგდეს სკოლის შენობაზე. ამის შესახებ ხერსონის საოლქო სამხედრო ადმინისტრაციის ხელმძღვანელმა ოლექსანდრ პროკუდინმა ტელემარათონის დროს განაცხადა.
„დღეს, მტრის ავიაციამ დარტყმა განახორციელა ბერისლავის რაიონის სოფელ ზმიევკაზე, რუსების მართვადი ავიაბომბი ადგილობრივი სკოლის შენობას მოხვდა. წინასწარი ინფორმაციით,, დაიღუპა ერთი ადამიანი კიდევ ერთი დაიჭრა“, - განაცხადა მან.
მისივე თქმით, დღეს მტერმა დაბომბა დარიევის თემის სოფელი ნიკოლსკოე, დაიჭრა 52 წლის კაცი.
„დილიდან რუსები ბომბავდნენ ხერსონის დნიპროვის რაიონის პარკს. მტრის იერიშის შედეგად სიცოცხლესთან შეუთავსებელი დაზიანება მიიღო 45 წლის კაცმა“, - განაცხადა პროკუდინმა.
