შეიარაღებულ ძალებზე გუშინდელი თავდასხმის დროს ხალხმა კვლავ განაცხადა, რომ ხელისუფლება რაც შეიძლება მალე უნდა გადადგეს, - ამის შესახებ სომხეთის პრემიერ-მინისტრმა ნიკოლ ფაშინიანმა განაცხადა.
მან არ გამორიცხა, რომ სომხეთის შეიარაღებულ ძალებში, შესაძლოა, აგენტები იყვნენ.
სომხეთის მთავრობის ხელმძღვანელის თქმით, 44-დღიანი ომის მთავარი მიზანი იყო არა მთიანი ყარაბაღი, არამედ სომხეთის დამოუკიდებლობა და სუვერენიტეტი.
„შეიარაღებულ ძალებზე გუშინდელი თავდასხმის დროს ხალხმა კვლავ განაცხადა, რომ ხელისუფლება რაც შეიძლება მალე უნდა გადადგეს. ბოლოს და ბოლოს, მათ შეუძლიათ დაელოდონ ინციდენტის დასრულებას, მაგრამ არა, ახლავე უნდა მოხდეს. ეს არის მეხუთე კოლონის სტილი. ჩვენმა სპეცსამსახურებმა ამ ყველაფერს ყურადღება უნდა მიაქციონ.
უნდა ვიფიქროთ იმაზე, თუ როგორ მოვაგვაროთ ეს პრობლემა ჩვენი დემოკრატიისთვის ზიანის მიყენების გარეშე. მაგალითად, მაღალი რანგის სამხედრო ოფიცერი თესავს პანიკას ჯარებში და ავალებს თავის ქვეშევრდომებს, დათესონ პანიკა, რათა ყველამ დატოვოს თავისი საბრძოლო პოზიციები, ან ქმნის პირობებს, რომ მტერმა უპრობლემოდ დაიპყროს ტერიტორიები. რატომ? არცერთი დანაშაული არ გაიხსნება, ვიდრე მოტივაცია არ გაირკვევა. შესაძლოა, ისინი სხვა ქვეყნის აგენტები არიან. ზემოდან უნდა მიეღოთ ბრძანება, ბრძანება მე უნდა გამეცა, მაგრამ არ გამიცია. ე.ი. კიდევ ერთი ზემდგომი ჰყავს, ბრძანება მიიღო და შეასრულა. თავად არ ამბობს, ვისგან მიიღო ბრძანება, რადგან უფრო მძიმე ბრალდებას მიიღებდა“, – თქვა ნიკოლ ფაშინიანმა.
